तुलसीपुर क्षेत्रमा एम्बुलेन्सको अभाव हुन थालेपछि शुक्रबारदेखि अटो एम्बुलेन्स सञ्चालनमा ल्याएको छ । यस क्षेत्रका चार जना युवाहरुले अटो एम्बुलेन्स सञ्चालन व्यवस्थापनको संयोजन गरेका हुन् । शुक्रबार नौ वटा अटो एम्बुलेन्स व्यवस्थापन गरिएको हो । तुलसीपुर उपमहानगरपालिकाका कार्यपालिका सदस्य दीपक कुमालका अनुसार तुलसीपुरका १९ वटै वडामा पायक पर्ने स्थानमा साविककै भाडादरमा शुल्क लिने गरि ती अटो एम्बुलेन्स सञ्चालन व्यउवस्थापन गरिएको छ । कुमालका अनुसार ती एम्बुलेन्सले तुलसीपुर क्षेत्रका स्वास्थ्य संस्थामा बिरामीहरुलाई ल्याउन लैजान सक्ने व्यवस्था मिलाइएको छ । ती अटोको पहिचानका लागि अटोमा ब्यानर र स्टीकर टाँगिएको छ ।