संस्कृति, पर्यटन तथा नागरिक उड्डयन मन्त्री प्रेमबहादुर आलेले दृष्टिविहीन सगरमाथा आरोही अमिट केसी भन्ने चित्रबहादुर खत्रीलाई दश लाख रुपैयाँ सहयोग रकम हस्तान्तरण गर्नुभएको छ । बुधवार मन्त्रालयमा आयोजित एक कार्यक्रमबिच मन्त्री आलेले उक्त सहयोग रकम हस्तान्तरण गर्नुभएको हो ।
चिनियाँ दृष्टिविहीन पर्वतारोही चाङ होङले नेपालतर्फको मोहोडाबाट सगरमाथाको सफल आरोहण गरेका छन् । यो उपलब्धि हासिल गर्ने उनी एसियाका पहिला र विश्वका तेस्रा दृष्टिविहीन आरोही हुन् ।
‘तपाईंमा अपांगता भए पनि वा तपाईं सबलांग भए पनि मन दह्रो छ भने अरूले हासिल गर्न नसकेको उपलब्धि तपाईंले पाउन सक्नुहुन्छ,’ चाङले रोयटर्स समाचार संस्थालाई बताए ।
चाङले गत सोमवार तीनजना गाइडको सहायतामा सगरमाथाको शिखरमा पुग्न सफलता पाएका हुन् । उनी बिहीवार आधारशिविर आइपुगेका थिए ।
चीनको चोङकिङ शहरमा जन्मे...
