काठमाडौं। लुम्बिनी प्रदेशसभाबाट पदमुक्त भएका चारजना मन्त्रीहरुको रिट सर्वोच्च अदालतका न्यायाधीश नहकुल सुवेदीको इजलासमा सुनुवाइ हुँदैछ। आइतबार चारैजना मन्त्रीहरु सन्तोषकुमार पाण्डेय, विजयकुमार यादव, सुमन शर्मा रायमाझी र कल्पना पाण्डेले प्रदेशसभा सचिवालय र जनता समाजवादी पार्टीको केन्द्रीय कार्यकारिणी समितिविरुद्ध सर्वोच्चमा मुद्दा दायर गरेका थिए। उनीहरुले यसअघि पनि सर्वोच्चमा मुद्दा दायर गर्न खोजेका थिए । तर काठमाडौंमा निषेधाज्ञाका कारण हुन सकेको थिएन्।