काठमाडौं (अस) । ग्लोबल आइएमई लघुवित्तको नवौं साधारणसभा मंगलबार पोखरामा सम्पन्न भएको छ । वित्तीय संस्थाका अध्यक्ष बुद्धि अकेलाको सभापतित्वमा सम्पन्न कार्यक्रमको सञ्चालन वित्तीय संस्थाका प्रमुख कार्यकारी अधिकृत एवं कम्पनी सचिव हरिकृष्ण जोशीले गरेका थिए ।
साधारणसभाले आव ०७७÷७८ को मुनाफाबाट शेयरधनीलाई प्रस्ताव गरेको २८ प्रतिशत लाभांश दिने प्रस्ताव पारित गरेको छ । वित्तीय संस्थाले आर्थिक वर्ष ०७७/७८ मा सञ्चालन मुनाफा ३४ करोड ९४ लाख र करपछिको मुनाफा २१ करोड ८३ लाख रुपैयाँ आर्जन गरेको साधारणसभा जानकारी दिइयो ।
प्रस्तावित बोनस शेयर वितरणपछि कम्पनीको चुक्ता पुँजी ५५ करोड २५ लाख रुपैयाँ पुग्नेछ । साधारणसभामा सञ्चालक समितिका तर्फबाट अध्यक्ष बुद्धि अकेला आर्थिक वर्ष ०७७/७८ को प्रतिवेदन प्रस्तुत गरेका थिए । हाल कम्पनीले ५४ जिल्लाका ११८ शाखामार्फत १ लाख ३७ हजारभन्दा बढी सदस्यलाई लघुवित्त सेवा प्रदान गर्दै आएको छ ।