ए डिभिजन लिग च्याम्पियन मछिन्द्र फुटवल क्लवलाई हराउदै बागमती युथ क्लव मुख्यमन्त्री सुदूरपश्चिम खप्तड गोल्डकप फुटवल प्रतियोगिताको सेमिफाईनल प्रवेश गरेको छ । धनगढी रंगशालामा मंगलवार भएको खेलमा मछिन्द्रलाई पेनाल्टी शुट आउटमा ४–२ गोलको अन्तरले हराउदै बागमती अन्तिम चारमा पुगेको हो ।
यस अघि ए डिभिजन क्लव न्युृरोड टिम एनआरटीलाई पेनाल्टी शुट आउटमा ४–३ गोल अन्तरले पराजित गर्दै बागमती क्वाटर फाईनल प्रवेश गरेको थियो । भने मछिन्द्रले सिधै क्वाटरफाईनल खेल खेलेको हो । लिगको उपाधि जितेपछि मछिन्द्रले मोफसलमा खेलेको यो पहिलो खेल हो ।
