जिल्लास्थित स्थानीय तहले कतै लक्ष्यभन्दा दोब्बर राजस्व संकलन गरेका छन् भने कतै लक्ष्यको आधा पनि राजस्व संकलन गर्न सकेका छैनन् । रुकुमपूर्वमा सिस्ने गाउँपालिकाले लक्ष्यभन्दा दोब्बर राजस्व संकलन गर्न सफल भएको छ । पुथा उत्तरगङ्गा गाउँपालिकाले भने लक्ष्यको आधा पनि राजस्व संकलन गर्न नसकेको हो । ३६ लाख ७७ हजार राजस्व संकलन गर्ने लक्ष लिएकोमा सिस्ने गाउँपालिकाले ७५ लाख ६ हजार ६०० राजस्व संकलन गरेको जनाएको छ ।