काठमाडौं। हालसम्म देशमा प्रस्तावित विदेशी लगानी परियोजनाहरुले २ लाख ९७ हजार ९३५ जनाको लागि रोजगारी सृजना गर्ने भएको छ। उद्योग विभागका अनुसार ४खर्ब ३०अर्ब रुपैयाँभन्दा बढीको विदेशी लगानी प्रस्ताव हुँदा उक्त संख्यामा रोजगारी सृजना हुने भएको हो। पछिल्लो एक महिनामा मात्र १ हजार ७९१ जनाको लागि रोजगारी सृजना हुनेगरी ३अर्ब ६५ करोड रुपैयाँको विदेशी लगानी प्रस्ताव आएको विभागले जनाएको छ।