महन्थ ठाकुर पक्षले पनि देउवालाई विश्वासको मत दिने, संसद भवनमा भयो मौखिक सहमति

बाटो बिराएकाहरु फर्केर आएः उपेन्द्र यादव

जसपा अध्यक्ष उपेन्द्र यादवले बाटो बिराएकाहरु फर्किएर आएको प्रतिक्रिया दिएका छन् । प्रतिनिधिसभामा काँग्रेस सभापति शेरबहादुर देउवालाई महन्थ ठाकुर समूहले पनि विश्वासको मत दिएपछि संसद भवनबाट बाहिरिने क्रममा यादवले यस्तो प्रतिक्रिया दिएका हुन् । आन्तरिक विवादमा फसेको जनता समाजवादी पार्टीको बहुमत सांसदको बैठकले देउवालाई विश्वासको मत दिने निर्णय गरेको थियो । तर संसदीय दलमा अल्पमतमा रहेको ठाकुर समूहले पनि अन्तिममा देउवालाई नै विश्वासको मत दिने निर्णय गरेको थियो । देउवाले प्रतिनिधिसभाबाट १६५ मतसहित विश्वासको मत पाएका छन् ।