काठमाडौं जिल्लामा कोभिड १९ विरुद्धको भेरोसेल खोप लगाउने कार्यक्रम अनिश्चित कालका लागि स्थगित भएको छ ।
भेरोसेल खोपको मौज्दात सकिएकाले खोप कार्यक्रम अनिश्चित कालका लागि स्थगित गरिएको स्वास्थ्य कार्यालय काठमाडौंका प्रमुख जनस्वास्थ्य प्रशासक बद्री बहादुर खड्काले जानकारी दिएका छन् ।
गत असार २९ गतेदेखि साउन २ गते (भोलि)सम्म खोप लगाउने मिति तोकिएको थियो ।
यद्यपी खोपको मौज्दात सकिएको भन्दै कार्यालयले शुक्रवार सूचना जारी गर्दै खोप कार्यक्रम स्थगित गरिएको जनाएको हो ।