छोटकरीमा : देशभर चिसो बढ्यो, काठमाडौँमा अत्यधिक वायु प्रदूषण

आइतबारदेखि बाक्लो हिमपात सुरु हुँदा हुम्ला, जुम्ला लगायतका देशका उच्च हिमाली क्षेत्रकाे जनजीवन कष्टकर बनेकाे छ। हिमपातका कारण नेपाल-चीन सीमास्थित हिल्सा नाका पूर्णरूपमा बन्द भएको छ। यता काठमाडौँमा मौसम धुम्मिएसँगै सोमबारदेखि वायु प्रदूषणको मात्रा अत्यधिक बढेकाे वातावरण विभागले जनाएकाे छ। मंगलबार विश्वका ५० सहरमध्ये प्रदूषणका हिसाबले काठमाडौँ १ नम्बरमा पुगेकाे थियाे।

आइतबार बिहानदेखि हुम्ला, मुगुलगायत हिमाली जिल्लामा बाक्लो हिमपात हुँदा जनजीवन कष्टकर बनेको छ। बाक्लो हिमपातका कारण हुम्लाको नाम्खा गाउँपालिकाका सबै नाका समेत बन्द भएका छन्। यस्तै, आइतबार रातिदेखि परेको हिँउले राराक्षेत्र कपासले छोपिएजस्तो देखिएको छ। त्यस्तै भारी हिमपात भएपछि नेपाल-चीन सीमा हिल्सा नाका पूर्णरूपमा बन्द भएको छ।


मौसम धुम्मिएसँगै काठमाडौंमा सोमबारदेखि वायु प्रदूषणको मात्रा अत्यधिक बढेर मंगलबार एअर क्वालिटी इन्डेक्स (एक्यूआई) ४३७ पुगेको छ। याेसँगै विश्वका ५० सहरमध्ये प्रदूषणका हिसाबले काठमाडौँ १ नम्बरमा रहेको देखिएको थियो। वातावरण विभागले बिहान र बेलुकाको समयमा वायु प्रदूषण अत्याधिक बढेको जनाएको छ। विभागले मंगलबार एक विज्ञप्ति जारी गर्दै बालबालिका, वृद्धवृद्धा, दीर्घ रोगी, मुटुकाे समस्या भएका व्यक्तिहरूलाई प्रदूषणले बढी प्रभावित पार्ने भएकाले घर बाहिर ननिस्कन र बाहिर निस्कँदा विशेष सावधानी अपनाउन अनुरोध गरेको छ। यद्यपि, बिहीबारदेखि काठमाडौँमा घाम लाग्न सुरु भएपछि प्रदुषणकाे मात्रा घटेकाे छ।


सम्बन्धित सामग्री

चीनसँगको ‘बेल्ट एन्ड रोड’ सम्झौता अस्ट्रेलियाद्वारा रद्द

अस्ट्रेलियाले चीनसँगको महत्वाकांक्षी ‘बेल्ट एन्ड रोड’ परियोजनासँग सम्बन्धित दुई वटा सम्झौता रद्द गरेको छ । यता, अस्ट्रेलियाको निर्णय सार्वजनिक हुनुपूर्व नै चीनले आपत्ति प्रकट गरेको थियो ।

छोटकरी सम्पादक

दावाको शरीरबाट झन्डै १ किलो बराबरको हेरोइनका ९३ वटा क्याप्सुल निकालियो

दावा लामा तामाङ ९ सय ग्राम हेरोइन शरीरमा बोकेर फेरि दुबई हुँदै नेपाल आइपुगे। अप्रिल ८ मा उनी त्रिभुवन विमानस्थल ओर्लिए। तर, विमानस्थल ओर्लिने बित्तिकै पक्राउ परे। पहिले सामान्य एक्सरेमा हेर्दा उनको शरीरमा हेरोइन देखिएन। पछि सिटी स्क्यान गरेपछि पेटभित्र लागू औषधको क्याप्सुल देखिएको हो।

छोटकरी सम्पादक

पशुपति दर्शनमा रोक

कोरोना भाइरस फैलिन नदिन पशुपति क्षेत्र विकास कोषले अर्को व्यवस्था नभएसम्मका निम्ति सर्वसाधारणका लागि पशुपतिनाथ दर्शनमा रोक लगाएको छ ।

छोटकरी सम्पादक

एकै स्थानमा ६७ गिद्ध मृत भेटिए, कारण खोज्दै अधिकारीहरू

पश्चिम नवलपरासीको रामग्राम नगरपालिका–४ जीतपुरमा एकै स्थानमा ६७ वटा गिद्ध मृत फेला परेका छन् । लोपोन्मुख अवस्थामा रहेका गिद्ध एकै पटक ठूलो संख्यामा कसरी जीतपुर आइपुगे र मृत्यु कसरी भयो भन्नेमा अहिले अनुसन्धान भइरहेको छ ।

छोटकरी सम्पादक

स्वास्थ्य मन्त्रालयले भन्यो- अत्यन्त जरूरी नपरी घर बाहिर ननिस्कनुस्

स्वास्थ्य तथा जनसंख्या मन्त्रालयले कोरोना संक्रमणको दर अत्यधिक बढिरहेको बताउँदै अत्यन्त जरुरी नपरी घर बाहिर ननिस्कन अनुरोध गरेको छ । हरेक चार दिनमा संक्रमणको संख्या दोब्बर भइरहेको बताउँदै संरचनाले धान्नै नसकने गरी बिरामीहरुको संख्या बढ्ने संकेत प्राप्त भएको बताइएको छ।

छोटकरी सम्पादक

भारतमा १८ वर्षमाथिका सबैलाई कोरोना खोप दिइने

कोरोना संक्रमण भयावह बन्दै गएपछि भारत सरकारले खोप अभियान थप तीव्र बनाउने भएको छ । जसअनुसार सरकारले सोमबार १८ वर्षमाथिका सबैलाई खोप लगाउने निर्णय गरेको हो ।

छोटकरी सम्पादक