काठमाण्डाै – आज दिउँसाे गण्डकी, कर्णाली र सुदूरपश्चिम प्रदेशका केही ठाउँमा ठूलो पानी पर्ने मौसमविद्ले बताएका छन् ।
वाग्मती प्रदेशका केही ठाउँमा पनि राति ठूलो पानी पर्ने मौसमविद् प्रतिभा मानन्धरले बताउनुभयो । उहाँका अनुसार देशका अन्य क्षेत्रमा भने हल्कादेखि मध्यम खालको वर्षा हुनेछ ।
यस्तै, अबको दुई तीन दिन लगातार झरी पर्ने सम्भावना नरहेको मौमसविद्ले बताएका छन् । तर, केही ठाउँमा ठूलो पानी पर्ने भएकाले बाढी पहिरोको जोखिम भने रहेकाले सावधानी अपनाउन मौसमविद्को आग्रह छ ।
