काठमाडौं । नेपालमा हालसम्म २ लाख ६० हजार ५९३ जना कोरोना भाइरसबाट संक्रमित भएका छन् । स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा नेपालमा ५३४ जनामा कोरोना भाइरसको संक्रमण पुष्टी भएको छ । यो सँगै हालसम्म २ लाख ६० हजार ५९३ जना संक्रमित भएको मन्त्रालयले जनाएको छ ।
बुधबार ६ हजार जनाको पीसीआर परीक्षण गर्दा ५३४ जनामा संक्रमण देखिएको हो । संक्रमित मध्ये १९६ महिला र २३८ पुरुष छन् । यसैगरी काठमाडौं उपत्यकामा २४७ जनामा संक्रमण देखिएको छ । संक्रमितमध्ये १०३ महिला र १४४ पुरुष छन् ।
मन्त्रालयले पछिल्लो २४ घण्टामा थप ९ जनाको मृत्यु भएको जनाएको छ । यो सँगै हालसम्म कोरोनाका कारण ज्यान गुमाउनेको संख्या १८ सय ५६ पुगेको छ ।
यस्तै, आज ४४७ जना निको भएका छन् । यो सँगै कोरोनामुक्त हुनेको संख्या दुई लाख ५२ अजार ३५९ पुगेको छ । आज देशभर ६ हजार ३७८ सक्रिय संक्रमित रहेका छन् ।