पुष्पकमल दाहाल 'प्रचण्ड' र माधवकुमार नेपाल अध्यक्ष रहेको नेपाल कम्युनिस्ट पार्टी (नेकपा)का पूर्व सांसदहरु प्रतिनिधिसभा पुनःस्थापनाको माग गर्दै धर्नामा बसेका छन् ।
तेस्रो चरणको आन्दोलनका कार्यक्रम अनुसार पूर्व सांसदहरुले बुधवार देखि मण्डलामा धर्ना शुरु गरेका हुन् ।
धर्नामा विघटित प्रतिनिधिसभा सभा र प्रदेश सभाका सांसदहरु सहभागि छन् । धर्नामा पम्फा भुसाल, देव गुरुङ, अष्टलक्ष्मी शाक्य लगायत सहभागि छन् । धर्ना माघ २१ गतेसम्म जारी रहने नेतृ भुसालले जानकारी दिइन् ।
