काठमाडौँ उपत्यकामा सबै प्रतिबन्ध हटाइयो

अनुमति नलिएका २ सय बढी प्लटिङका जग्गा किनबेचमा प्रतिबन्ध !

काठमाडौँ उपत्यकामा अनाधिकृत प्लटिङ बढेपछि जग्गा रोक लगाउने अवस्था सिर्जना भएको छ । काठमाडौँ उपत्यका विकास प्राधिकरणले अनुमति नलिई भईरहेका प्लटिङको जग्गा रोक लगाउने तयारी थालेको हो । प्राधिकरणले अनुमति नलिई गरिएका २ सय बढी प्लटिङका जग्गा रोक्का राख्न सुक्ष्म तयारी गरिरहेको बताएको छ । भक्तपुर र ललितपुर २ सय भन्द्या बढी ठाउँमा बिना अनुमति प्लटिङ भईरहेको पाईएको प्राधिकरणले जनाएको छ । यी ठाउँको जग्गा तत्काल रोक्का राखिने छ । कित्ता नम्बर खोजिँदै उपत्यका विकास प्राधिकरणले अनुमति नलिई प्लटिङ भईरहेका ठाउँको जग्गाको कित्ता खोज्ने काम गरिरहेको छ । यसका लागि छुट्टै टोली नै बनाएर खटाईएको प्राधिकरण स्रोतले बताएको छ । स्रोतका अनुसार कित्ता नम्बर खोज्न खटाईएको टोलीका सदस्यहरुको विवरण गोप्य राखिएको छ । यो टोलीले धेरै ठाउँको कित्ता नम्बर फेला पारिसकेको छ ।सबै ठाउँको कित्ता नम्बर भेटिएपछि एकुमष्ट रुपमा सम्बन्धित जिल्लाको जिल्ला मालपोत कार्यालयलाई पत्राचार गरेर जग्गा रोक्का राखिने छ । ‘मापदण्ड पूरा गरे फुकुवा गरिदिन्छौँ’प्राधिकरणले अनाधिकृत प्लटिङको जग्गा तत्काल रोक्का राखेपनि डेभलपर्सहरुले तोकिएको मापदण्ड पूरा गरे पछि फुकुवा गरिदिने जनाएको छ । मापदण्ड अनुसार ५ प्रतिशत खुला ठाउँ र २० फिटको बाटो कायम गरेर आए रोक्का राखेपछि पनि फुकुवा गरिदिने प्राधिकरण स्रोत बताउँछ । तर, यदि मापदण्ड पूरा गर्न नसकेको खण्डमा भने रोक्का राखिएका प्लटिङको जग्गाको किनबेचमा पूणर्रुपमा बन्देज लगाईनेछ ।अहिले अधिकांश प्लटिङमा जम्मा १३ फिटको मात्रै बाटो पाईएको प्राधिकरणको अनुभव छ ।