चीनमा कोरोना भाइरसको महामारीले यस वर्ष विश्वव्यापी आर्थिक वृद्धि दरलाई प्रभावित पार्न सक्ने अन्तर्राष्ट्रिय मुद्रा कोष (आईएमएफ) प्रमुखले बताएकी छन् । तीव्र र द्रुत दरमा झरेको आर्थिक वृद्धिदर कोरोनाको संक्रमणको प्रभावबाट थप समस्या आउने उनको भनाइ थियो ।
दुबईमा विश्व महिला मञ्चमा सहभागी हुन आएकी आईएमएफका व्यवस्थापन निर्देशक क्रिस्टालिना जर्जिएभाले भनिन्, “आर्थिक वृद्धिदरमा कटौती हुन सक्ने यो दर करिब ०.१ देखि ०.२ प्रतिशतको अवस्थामा हुने तत्कालको अनुमान रहेको छ ।”
करिब १ हजार ६ सय व्यक्तिको ज्यान लिइसकेको कोभिड–१९ ले विश्व अर्थतन्त्रमा कति प्रभावित पार्नेछ अहिल्यै पूर्ण अनुमान गरिहाल्न सक्ने अवस्था भने नभएको उनको तर्क थियो ।