काठमाडौं । नेकपा संयोजक पुष्पकमल दाहाल ‘प्रचण्ड’ले भोटेकोशी बाढीबाट ठूलो क्षति भएको अवस्थामा यस वर्षको तीज संयम र संवेदनाका साथ मनाउन आग्रह गरेका छन्। हरितालिका तीजको अवसरमा शुभकामना सन्देश जारी गर्दै प्रचण्डले बाढीपीडित परिवारप्रति ऐक्यबद्धता जनाउन तथा उद्धार, राहत र पुनर्स्थापनामा सहयोग गर्न सबैलाई आग्रह गरेका हुन्। उनले दुःखको यस घडीमा संवेदना र संयमलाई राष्ट्रिय एकताको शक्तिमा बदल्नसमेत आह्वान गरेका छन्।