काठमाडौं । चौथो हिमाल सरसफाइ अभियानमा कोका–कोला फाउन्डेसनले सहकार्य गरेको जानकारी दिएको छ ।
सगरमाथा, ल्होत्से, अन्नपूर्ण र वरुण हिमाल गरी ८ हजार मिटरभन्दा अग्ला हिमाल सरसफाइ गर्ने यो अभियानमा कोका–कोलाले सबैभन्दा बढी सहयोग गरेको बताएको छ ।
नेपाली सेनाको नेतृत्वमा सञ्चालन भइरहेको यो अभियान विभिन्न गैर–नाफामूलक संस्था, कर्पोरेट हाउस, नागरिक समाज र रिसाइक्लिङ पार्टनरको संयुक्त प्रयासमा सञ्चालित छ ।
कोका–कोला फाउन्डेसनका अध्यक्ष साडिया माड्सब्जर्गले जलवायु परिवर्तन विशेषगरी हिमाली क्षेत्रमा तीव्र रहेकाले कम्पनीले हिमाललाई बचाउन अभियानमा सहयोग गरेको बताए ।
