जेठ ६, चितवन । शुक्रवार बेलुका आएको हावाहुरीका कारण चितवनमा बिजुलीका पोल नै भाँचिएका छन् । निर्माणाधिन र निर्माण सम्पन्न भवनमा समेत ठूलो क्षति भएको तस्वीरहरू सार्वजनिक भएका छन्। क्षतिको विवरण भने आइसकेको छैन ।
अपडेट : चितवनमा हावाहुरीले ३ जनाको ज्यान गएको छ । हुरी चलेको बेला रुख ढल्दा च्यापिएर ३ जनाको ज्यान गएको जिल्ला प्रहरी कार्यालय चितवनले जनाएको छ ।
मृत्यु हुनेमा अटोमा यात्रा गरिरहेका २ जना र म्याजिकमा यात्रा गरिरहेका १ जना रहेका छन् ।
तस्वीर सौजन्य : दिनेश कुमार चुके
