मनाङ एयरको हेलिकोप्टर शनिबार दुर्घटनामा परेसँगै एकै वर्षमा मुलुकमा भएका हवाई दुर्घटनाको संख्या ६ पुगेको छ । यसबीचमा पाँच वटा हेलिकोप्टर र एउटा विमान दुर्घटना भए । नेपाल नागरिक उड्डयन प्राधिकरणले हरेक वर्ष जारी गर्ने ‘एभिएसन सेफ्टी रिपोर्ट’ ले नेपाली हेलिकोप्टर तथा ‘फिक्स्ड विङ’ (हवाईजहाज) हरूको उडान सुरक्षा व्यवस्थापन प्रणाली सन् २०२२ मा उल्लेख्य सुधार भएको देखाएको थियो ।