उद्योग संगठन मोरङको प्रतिनिधिमण्डलले गभर्नर महाप्रसाद अधिकारीसँग भेटवार्ता गरी कर्जाको ब्याज घट्नेगरी मौद्रिक नीति ल्याउन सुझाव दिएको छ । संगठनका अध्यक्ष राकेश सुरानाको नेतृत्वमा गएको प्रतिनिधि मण्डलले गभर्नरलाई भेटेर बजेटमा लक्षित आर्थिक वृद्धि हासिल गर्न निजी क्षेत्रमा कर्जा प्रवाह बढ्नुपर्ने र त्यसका लागि ब्याजदर एकल अंकमा आउनुपर्ने धारणा राखेको हो ।