काठमाडौं, २२ साउन। नेकपा (माओवादी केन्द्र)का सांसदहरूलाई संघीय संसद्मा प्रभावकारी भूमिका निर्वाह गर्न निर्देशन दिइएको छ । प्रधानमन्त्री समेत रहेका माओवादी केन्द्रका अध्यक्ष पुष्पकमल दाहाल ‘प्रचण्ड’ले उनीहरूलाई यस्तो निर्देशन दिएका हुन्। आज बिहान सिंहदरबारमा माओवादी संसदीय दलको बैठक बसेको थियो। बैठकमा प्रधानमन्त्री प्रचण्डले सांसदहरूलाई प्रभावकारी भूमिका निर्वाह गर्न निर्देशन दिएको हो।
