काठमाडौं। विवाह गरेको दोस्रो दिन कोरोना संक्रमण देखिएकी एक दुलहीको भक्तपुर अस्पतालमा उपचार भइरहेको छ। भक्तपुरकै २२ वर्षीया ती दुलहीको आईसीयूमा राखेर उपचार भइरहेको भक्तपुर अस्पतालकी मेसू डा. सुमित्रा गौतमले बताइन्। विवाहको केही दिन अघिबाटै उनलाई रुघाखोकी लागेको थियो। विवाहको दोस्रो दिन स्वास्थ्यमा गम्भिर समस्या आएपछि उनलाई अस्पताल भर्ना गरिएको हो। अहिले उनको अवस्था स्थिर रहेको डा. गौतमले जनाइन्।
