काठमाण्डाै - सङ्घीय संसद्का दुवै सदन प्रतिनिधि सभा र राष्ट्रिय सभाको बैठक आज दिउँसो १ बजे बस्ने भएको छ ।
सङ्घीय संसद् भवनमा बस्ने प्रतिनिधि सभाको बैठकमा सभामुख अग्निप्रसाद सापकोटाले नेपाली कांग्रेसका सांसद प्रदीप गिरिको निधनमा शोक प्रस्ताव प्रस्तुत गर्नुहुनेछ । यसअघि, हिजोका लागि तय गरिएको बैठक स्थगित गरेर आजका लागि बोलाइएको हो ।
कांग्रेसका सांसद गिरिको निधनकै कारण हिजोको बैठक स्थगित गरिएको थियो । यस्तै, आजै बस्ने राष्ट्रिय सभाको बैठकमा पनि नेता गिरिको निधनमा शोक प्रस्ताव प्रस्तुत गर्ने सम्भावित कार्यसूची रहेको छ ।
