कोभिड–१९ सङ्क्रमण बढेपछि राजधानी उपत्यकाका तीन वटै जिल्लामा वैशाख १६ गतेदेखि निषेधाज्ञा लागू गरिएको छ । आवश्यकताका आधारमा थप एक साता निषेधाज्ञा जारी गर्न सक्ने अधिकार मन्त्रिपरिषद् बैठकले सम्बन्धित जिल्ला प्रशासन कार्यालयलाई दिएको छ । यस अवधिमा सार्वजनिक आवागमन, बजार सञ्चालन तथा अत्यावश्यक बाहेकका वस्तु तथा सेवाको आपूर्ति र सञ्चालनमा निषेध आदेश गरिएको छ । स्थानीय प्रशासन ऐन २०१८ अनुसार अन्य जिल्ला तथा क्षेत्रमा पनि जिल्ला प्रशासन कार्यालयले यस्तो आदेश जारी गर्न सक्नेछन् ।
