काठमाडौं । नेकपा (एमाले) नेपाल–खनाल पक्षको राष्ट्रिय भेलाले प्रधानमन्त्री एवम् पार्टी अध्यक्ष केपी ओलीले कारबाही गरे कसरी अगाडि बढ्ने भन्ने सन्दर्भमा छलफल सुरु भएको छ । दुई दिनदेखि जारी राष्ट्रिय भेलामा बिहीबार छलफलका लागि त्यस सम्बन्धी सात बुँदा थप गरिएको छ ।
पार्टी अध्यक्ष केपी शर्मा ओलीले आफ्नो पक्षलाई गरेका कारबाही र अन्य निर्णयलाई कसरी सामना गर्दै अघि बढ्ने लगायतका बुँदाहरु थप गरिएको छ । पार्टीभित्र अहिले उत्पन्न अन्तरविरोध र समस्याको समाधान कसरी गर्नु उचित होला भनी सहभागीहरुको सुझाव मागिएको छ ।
यस्तै, अन्य वामपन्थी पार्टीहरु खासगरी नेकपा (माओवादी केन्द्र) सँग सहकार्य र एकता कसरी गर्ने भन्ने बुँदा पनि छलफलका लागि थपिएको छ । भेलामा कैयौं कार्यकर्ताहरुले केपी ओलीसँग कुनै पनि हालतमा मिल्न नहुने बरु अन्य वामपन्थी दलहरुसँग एकता गर्नुपर्ने सुझाव दिएको एक सहभागीले बताए ।
पार्टीमा ओलीले एकलौटी गरेको भन्दै वरिष्ठ नेताहरु माधवकुमार नेपाल र झलनाथ खनाल नेतृत्वको समूहले ललितपुरको सानेपमा बुधबारबाट सुरु भएको दुई दिने राष्ट्रिय कार्यकर्ता भेलामा ती बुँदाहरु थप गरी छलफल सुरु गरिएको हो ।
यस्ता छन् छलफलका लागि वितरित थप बुँदाहरु
१) कार्यक्षेत्रमा हाम्रो पक्ष र अन्य पक्षको संगठनात्मक र प्रभावको स्थिति कस्तो छ ? केपी गुटले सिर्जना गरेका बाधा अवरोध लगायतका क्रियाकलाप कस्तो रहेका छन ?
२) पार्टी कमिटी र जनसंगठन तथा पेशागत संगठनहरुलाई अहिलेको स्थितिमा कसरी अगाडि बढाउन उचित होला ?
३) पार्टीभित्र उत्पन्न अन्तरविरोध र समस्याको समाधान कसरी गर्नु उचित होला ? केपी गुटले कारबाहीको नाम नाममा एकपक्षीय गुटगत भेलाबाट गरेका निर्णयहरुलाई कसरी लिने र आगामी दिनमा हुनसक्ने त्यस्ता कामकारबाहीप्रति कस्तो प्रतिक्रिया दिने ? केपी गुटले विभाजनको दिशा लिइरहेको स्थितिमा कसरी अगाडि बढ़ने ?
४) वर्तमान राजनीतिक परिस्थितिमा संघीय सरकार, प्रदेश सरकार र स्थानीय तहहरुको सञ्चालनमा हामीले कस्तो भूमिका खेल्ने ? अन्य राजनीतिक दलहरु, विशेषतः नेकपा (माओवादी केन्द्र) लगायतका वामपन्थी पार्टी वा समूहहरुसंग एकता र सहकार्यको लागि के गर्नु उचित हुन्छ ?
५) नेकपा (एमाले) लाई विधान, विधि र पद्धतिसम्मत किसिमले ...
