मेरो व्यक्तिगत अनुभवमा, ४० वर्षअघि गाउँमा ८५ वर्षीय हजुरबुवालाई तुलसीको मठमा गीता पाठ सुन्दै सपरिवार बिदाइ गरेको याद ताजै छ। त्यस्तै, अस्ट्रेलियामा ९० वर्षीया सासुआमालाई २०२२ मा घरमै सपरिवारको बीचमा प्रेमपूर्वक बिदाइ गर्यौँ। मेलबर्नकै एक आफन्त दिदीले ५५ वर्षको उमेरमा क्यान्सरका कारण अन्त्यमा आफ्नै घरमा 'प्यालिएटिभ केयर' लिँदै शान्तिपूर्ण रूपमा प्राण त्याग्नुभयो। यी मृत्युहरूमा परिवारमा एउटा आत्मसन्तुष्टि थियो।