प्रियङ्का गुरुङको प्रसुति जटिल बन्दै गएको थियो । बच्चाको टाउको तल आइसके पनि बाहिर ननिस्किएको अवस्था थियो । यस्तो अवस्थामा इन्स्ट्रुमेन्टल डेलिभरी वा भ्याकुम डेलिभरी गर्नुपर्ने सम्भावना भए पनि सिङदी स्वास्थ्य चौकीमा आवश्यक उपकरण उपलब्ध थिएन । लामो समयसम्म प्रसव अड्किँदा बच्चामा अक्सिजनको कमी हुने तथा आमा र बच्चा दुवैको ज्यान जोखिममा पर्ने अवस्था सिर्जना हुन सक्थ्यो ।