स्वास्थ्य बीमा बोर्डका अनुसार बोर्ड बैठक (मिति २०८३/०२/११) ले गरेको निर्णयअनुसार नेपाल सरकारको स्वास्थ्य बीमा कार्यक्रममा आबद्ध निजी स्वास्थ्य संस्थाबाट प्रदान गरिँदै आएका आकस्मिक बाहेकका अन्य सम्पूर्ण बीमा सेवाहरू अर्को निर्णय नभएसम्मका लागि स्थगन गरिनेछ। बोर्डले जारी गरेको पत्रमा भनिएको छ कि वित्तीय दवाब र बढ्दो दायित्वका कारण सेवा निरन्तरता व्यवस्थापन चुनौतीपूर्ण बनेको छ, जसलाई मध्यनजर गर्दै तत्कालका लागि यो निर्णय लिनुपरेको हो।