जनकपुरधाम। आन्तरिक राजस्व कार्यालय जनकपुरले गत आर्थिक वर्ष (आव) २०७९/८० मा रू. ३ अर्ब ४३ करोडभन्दा बढी राजस्व संकलन गरेको छ । कार्यालयले गत आवमा रू. ३ अर्ब ७० करोड ६८ लाख १० हजार राजस्व असुलीको लक्ष्य पाएकोमा लक्ष्यको ९२ दशमलव ९४ प्रतिशतमात्र राजस्व असुल गर्न सफल भएको कार्यालय प्रमुख किशोर बर्तौलाले जानकारी दिए । कार्यालयले आयकरबाट रू. १ अर्ब २३ करोड, घरभाडा करबाट रू. ४ करोड ८७ लाख, ब्याजबाट रू. ६ करोड ११ लाख, भ्याटबाट रू. १ अर्ब राजस्व संकलन गरेको हो । त्यस्तै अन्त:शुल्कबाट १ अर्ब ९ करोड, स्वास्थ सेवा करबाट रू. ७ लाख ४२ हजार र शिक्षा सेवा करबाट रू. ३५ हजार राजस्व संकलन भएको बर्तौलाले बताए ।