सरकारले अन्तर्राष्ट्रिय उडान आगामी जेठ १७ गतेसम्म बन्द गर्ने निर्णय गरेको छ । कोरोनाभाइरसको दोस्रो लहरको संक्रमण बढ्दै गएपछि सरकारले वैशाख २३ गतेदेखि बन्द गरेको अन्तर्राष्ट्रिय उडान जेठ १७ गतेसम्मका लागि लम्ब्याएको हो ।
नेपाल नागरिक उड्ययन प्राधिकरणले नेपाल–भारतबीचको दुई उडानबाहेक सबै अन्तर्राष्ट्रिय उडान आगामी जेठ १७ गतेसम्म बन्द हुने एक सूचनामार्फत जनाएको छ ।
नेपाल र भारतबीच एयर बबल सम्झौता अनुरुप यी देशमा भने सातामा दुई उडान हुने प्राधिकरणको भनाइ छ ।
