नेपाल चेम्बर अफ कमर्सले आगामी आर्थिक वर्षको बजेटमा सरकारले कृषि उपकरण आयातमा पूर्ण छुटको व्यवस्था गर्नुपर्नेमा जोड दिएको छ । बाँझो जमिन सदुपयोग नीति बनाएर बजेटमा विशेष व्यवस्था गर्नसमेत उसको आग्रह छ । ‘बाँझो जमिन सदुपयोग गरी कृषि उत्पादनमा आधुनिकीकरण, यान्त्रिकीकरण एवं वैज्ञानिकीकरण गरी मुलुकलाई आत्मनिर्भर बनाइनुपर्छ,’ चेम्बर अफ कमर्सका प्रतिनिधिले अर्थमन्त्री प्रकाशशरण महतलाई शुक्रबार भेटेर दिएको सुझावमा भनिएको छ ।
