छोटकरीमा : भाेलि प्रचण्ड-नेपाल समूहकाे आमहड्ताल

नेकपाको प्रचण्ड-नेपाल पक्षले 'बाध्यात्मक' कदम भन्दै भाेलि २१ गते आमहड्ताल घोषणा गरेकाे छ। हड्तालकर्ताहरूले परीक्षा दिन जानेहरूलाई अवराेध नगर्ने बताएकाे छ। त्यस्तै भाेलिकाे हड्ताल केका लागि भन्दै प्रधानमन्त्री ओलीले प्रचण्ड-माधव समूहलाई प्रश्न साेधेका छन्।

संवैधानिक नियुक्तिको विषयलाई लिएर नेकपाकाे प्रचण्ड-नेपाल समूहले भाेलि १ दिने आमहड्ताल घोषणा गरेकाे छ। वैधानिक निकायहरूमा बलमिच्याई गर्दै नियुक्ति गरेको भन्दै नेकपा प्रचण्ड-माधव समूहले आमहड्ताल घोषणा गरेकाे हाे।


कोरोना महामारीका कारण जनताको आर्थिक र सामाजिक क्रियाकलाप अझै सामान्य हुन नसकेको अवस्थमा यस्ताे हड्तालले सर्वसाधारणले अझै सास्ती भाेग्नुपर्ने भन्दै यसकाे विराेध सुरु भएकाे छ। यद्यपि पूर्वनिर्धारित कार्यक्रम, नियमित काम तथा विभिन्न परीक्षाहरू भने हड्तालले नराेकिने बताइएकाे छ।


यता सरकारले भाेलिकाे आम हड्तालका लक्षित आकस्मिक सुरक्षा योजना अघि सारेकाे छ। प्रधानमन्त्रीले भने 'जनताले के बिगार गरे र बन्द गर्नुपरेकाे' भन्दै प्रचण्ड-नेपाल समूहलाई प्रश्न साेधेका छन्।


गृहमन्त्रालयले भने बन्द हड्ताल गरे कारबाही गर्ने बताउँदै सवारीसाधन चलाउन आग्रह गरेकाे छ।


सम्बन्धित सामग्री

एमाले संकटः शीर्ष नेताहरूबीच भएन कुनै सहमति

नेकपा एमालेमा बढिरहेकाे विवाद तत्काल साम्य हुने संकेत देखिएकाे छैन। लामाे समयपछि संवादहीनता ताड्दै अध्यक्ष केपी शर्मा ओली र वरिष्ठ नेता माधवकुमार नेपालको भेटवार्ता भएपनि कुनै ठाेस सहमति हुन सकेकाे छैन। बैठकपछि बाेल्दै नेपालले कुराकानी उत्साहप्रद नभएकाे प्रतिक्रिया दिएका छन्। त्यस्तै उनले नयाँ दल खाेलेकाे भन्ने कुरा साँचाे नभएकाे बताए।

छोटकरी विशेष

धरहरा निर्माण सकियाे, यस्ताे बन्याे नवनिर्मित धरहरा

भूकम्पले ढलेकाे धरहराकाे निर्माण झण्डै सकिएकाे छ। वैशाख ११ गते प्रधानमन्त्री केपी शर्मा ओलीले उद्घाटन गर्ने कार्यक्रम रहेकाे धरहरा वरिपरि बन्ने अन्य संरचनकाे भने निर्माण कार्य जारी रहेकाे छ। धरहराको पुनर्निर्माण अत्याधुनिक र भूकम्प प्रतिरोधी रहेकाे बताइएकाे छ। अन्डरग्राउन्ड र पार्किङको काम ५० प्रतिशत मात्र सम्पन्न भएको बताइएकाे छ।

छोटकरी विशेष

अयाेध्यामा राखियाे सीतारामकाे मूर्ति

रामकाे जन्मभूमिका रूपमा प्रधानमन्त्रीद्वारा घाेषित चितवनकाे माडीमा राम, सीता, लक्ष्मण र हनुमानको मूर्ति राखिएकाे छ। माडी नगरपालिका वडा नं. ९ स्थित माा कृष्णनगरमा मूर्ति राखिएको हो। काठमाडाैँबाट लगिएका मूर्तिहरू प्रधानमन्त्री ओलीले पूजाआजा गरी विदा गरेका थिए। रथयात्राको टाेली दासढुंगा नारायणगढ, चौविसकोठी, विकास चोक, पटिहानी ठाेरी पुगेकाे हाे।

छोटकरी विशेष

एमालेभित्र वारपारकाे लडाइँ, नेपाल समूहका ३२ जनालाई कारबाही गरिँदै

एमालेले नेपाल समूहका ३२ जना नेताहरूलाई स्पष्टीकरण साेधेकाे छ। संघीय संसदका २७ जना सदस्य र प्रदेश सभाका ५ जनासहित ३२ जनालाई स्पष्टीकरण सोधिएकाे हाे। उनीहरूलाई पार्टीविधान उल्लंघन गरेकाे आराेप लागेकाे छ। उता नेपाल समूहका नेताहरूले भने आफूहरू एमालेमै रहेकाे बताउँदै पार्टीभित्रै रहेर संघर्ष गर्ने बताएका छन्।

छोटकरी विशेष

चारदिनभित्र सबै मुद्दा टुंग्याउने जसपालाई प्रधानमन्त्रीकाे आश्वासन

प्रधानमन्त्री केपी शर्मा ओलीले जसपा नेता तथा कार्यकर्तालाई लागेका मुद्दा टुंग्याउने आश्वासन दिएका छन्। जसपाका चारजना नेताहरूसँग भेटेका प्रधानमन्त्री यस्ताे आश्वासन दिएका हुन्। यसअघि रेशम चाैधरी लगायतका थारू आन्दोलनमा पक्राउ परेका नेता कार्यकर्ताकाे मुद्दा फिर्ता गर्न फाइल गृहमन्त्रालय पुगेकाे थियाे।

छोटकरी विशेष

देशैभर बढ्दै काेराेनाका गम्भीर बिरामी, वाग्मतीमा सबैभन्दा बढी

नेपालमा पछिल्लो २४ घण्टामा काेराेनाका १६० जना बिरामी आईसीयूमा भर्ना भएका छन्। त्यस्तै काेराेनाकाे सिकिस्त लक्षण देखिएका अन्य ४५ जनालाई भेन्टिलेटरमा राखिएकाे छ। यीमध्ये सबैभन्दा धेरै सिकिस्त बिरामी वाग्मती प्रदेशमा भेटिएका छन्। त्यस्तै देशैभरि काेराेनाबाट मृत्यु हुनेकाे संख्या बढ्दाे क्रममा देखिएकाे छ। सरकारले भने १३ बुँदे सूचना जारी गरेकाे छ।

छोटकरी विशेष