छोटकरीमा आज : २०७८ वैशाख १५ गते, बुधबार

बुधबार १५ हजार जनाले लिए आन्तरिक हवाई उडान, गत वर्षकाे पीडा सम्झेर गाउँ फर्कनेकाे लर्काे आज पनि उस्तै, बैंक वित्तीय संस्थाका शाखा बिहान १० देखि २ बजेसम्म मात्र खुल्ने, अक्सिजन सिलिन्डरमा कर छुट दिने सरकारको निर्णय, बागमती प्रदेशमा मन्त्रिपरिषद् विस्तार, भारतको अवस्थाप्रति डब्लुएचओ चिन्तित लागायतका विषयवस्तुहरू यहाँ समावेश गरिएका छन्।

 नेपालमा सक्रिय संक्रमितको संख्या ३० हजार नाघेको छ । २४ घण्टामा १३ हजार ८७९ पीसीआर परीक्षणबाट देशभर ४ हजार ७७४ जनामा संक्रमण पुष्टि भएको छ । २४ घण्टामा ७७३ जना डिस्चार्ज भएका छन् ।


विहीवारदेखि काठमाडौंमा निषेधाज्ञा जारी भएकाले त्यो बेलामा कसरी छलफल तथा आफ्ना समूहका गतिविधि गर्ने भन्नेबारेमा छलफलमा जुटेको नेपाल निकट स्रोतले जनाएको छ। नेपाल-खनाल समूहका स्थायी कमिटीका काठमाडौंमा उपलब्ध नेताहरु कलंकीस्थिति मेघा पार्टी प्यालेसमा जम्मा भएका छन्।


कोरोना भाइरसको संक्रमण बढेसँगै सरकारले भिडभाड हुने क्षेत्रमा रोक लगायो। जसकारण सिनेमा हल समेत बन्द भए। महिनौं बन्द भएर पुन: संचालनमा आएका हलहरु फेरि बन्द भएपछि फिल्ममेकरहरु अन्यौलमा परेका छन्।बनिसकेका फिल्मका रिलिज मिति तय हुन सकेको छैनन्।


 बुधबार त्रिभुवन अन्तर्राष्ट्रिय विमानस्थलको आन्तरिक टर्मिनलमा खुट्टा राख्ने ठाउँ थिएन। टर्मिनलभित्र जाने र वाहिरिनेको लर्को थियो। विमानस्थल कार्यालयका अनुसार १५ हजार यात्रुले बुधबार ओहोरदोहोर गरेका छन्। कार्यालयका अनुसार बुधबार २ सय ९४ वटा उडान भएको छ।


निषेधाज्ञा जारी भएका जिल्लाका मालपोत कार्यालयहरु खुलेपनि घर जग्गाको कारोबार नहुने भएको छ। तर सेवा प्रवाह बन्द भएका कार्यालयहरुमा आलोपालो मिलाएर आन्तरिक तथा व्यवस्थापकीय कार्यहरु गर्न भनेको छ।


राजधानी उपत्यकासहित निषेधाज्ञा लागेका जिल्लास्थित बैंक तथा वित्तीय संस्थाहरु दिनमा चार घण्टा मात्र खुला हुने भएका छन्। राष्ट्र बैंक र बैंकरबीच बुधबार भएको छलफलपछि बिहान १० बजेदेखि दिउँसो २ बजेसम्म शाखा खोल्ने सहमति भएको छ। केही दिन हेरेपछि संक्रमणको अवस्था र ग्राहकको भिँडलाई आधार मानेर आवश्यक निर्णय लिइने छ।


मन्त्रिपरिषद् बैठकले जीवनदायक अक्सिजन सिलिन्डरलगायतका मालवस्तुमा कर छुट दिने निर्णय गरेको छ। 

यता, । बुधबार सेयर बजारमा १३ अंकको करेक्सन आएको छ। मंगलबार एकै दिन करिब १०० अं‌क बढेको बजारमा बुधबार सामान्य करेक्सन भएको हो।


कोरोना संक्रमण भएपछि होम-आइसोलेसन बस्ने ठाउँ भएन, वा होम आइसोलेसनमा बसिरहेको व्यक्तिलाई समस्या बढ्दै गयो भने के गर्ने? 


अहिले चीनले अनुदानमा दिएको भेरोसेल खोप उपत्यकाको थापाथलीस्थित परोपकार प्रसुति तथा स्त्रीरोग अस्पताल, ललितपुरको अल्का अस्पताल लगायत केही स्थानमा १८ वर्षदेखि ५९ वर्ष उमेर समूहका लागि लगाइँदैछ ।


सम्पर्कविहीन भएका राष्ट्रिय जनमोर्चाका प्रदेशसभा सदस्य खिमविक्रम शाही अस्पतालमा कोभिड-१९ उपचार गर्ने आईसीयूमा भेटिएका छन् । यद्यपि उनको कोरोना परीक्षण रिपोर्ट नेगेटिभ छ । देशसभा सदस्य शाही पोखरास्थित चरक अस्पतालको कोभिड वार्डको आईसीयूमा भेटिएका हुन् ।


सरकारले जनता समाजवादी पार्टीको मागबमोजिम मधेस आन्दोलनका क्रममा पक्राउ परेका एक सय २० जनाको मुद्दा फिर्ता लिने निर्णय गरेको छ । मुद्दा फिर्ताको निर्णय गरेर सरकारले मधेस आन्दोलन र मधेसी जनताको भावनाको सम्मान गरेको बताइएको छ ।


काठमाडौंको शिवपुरी नागार्जुन राष्ट्रिय निकुञ्जको जङ्गलमा फेरी आगोलागी भएको छ। नेपाल प्रहरी, नेपाली सेना, सशस्त्र प्रहरी र दमकल सहितको टोली शिवपुरी पुगेका छन्। बुढानीलकण्ठ नगरपालिका स्थित चण्डेश्वरी मन्दिर नजिकैबाट आगो सल्किएको हो।


बागमती प्रदेशका मुख्यमन्त्री डोरमणि पौडेलले मन्त्रिपरिषद् विस्तार गरेका छन्। विस्तारित मन्त्रपरिषद्‌मा केशवराज पाण्डेले आन्तरिक मामिला तथा कानून मन्त्रालयको जिम्मेवारी पाएका छन्। यस्तै, सरेश नेपालले उद्योग, वन, पर्यटन तथा वातावरण मन्त्रालय, सरस्वती बस्नेतले सामाजिक विकास मन्त्रालय र डा. रामकुमार अधिकारीले सामाजिक विकास राज्यमन्त्रीको सपथ लिएका छ्न्। 


रकारले भारतका प्रमुख रक्षा अध्यक्ष जनरल विपिन रावतलाई नेपाल भ्रमणको निम्तो पठाउने भएको छ । गत वर्ष नोभेम्बरमा कोरोना महामारीकै बीचमा भारतीय सेनाका प्रमुख एमएम नरवणेले नेपालको भ्रमण गरेका थिए ।


भारतमा कोरोना संक्रमणबाट मृत्यु हुनेको संख्या २ लाख नाघेको छ । गएको २४ घण्टायता ३ हजार २२९ कोरोना संक्रमितको ज्यान गएपछि मृत्यु हुनेको संख्या २ लाख १ हजार १८७ पुगेको यहाँको केन्द्रीय स्वास्थ्य मन्त्रालयले जानकारी दिएको छ ।


सम्बन्धित सामग्री

छोटकरीमा : आज - २०७८ वैशाख २९, बुधबार

आज नेपालमा सक्रिय संक्रमितको संख्या एक लाख नाघ्यो, जसपा शीर्ष नेताहरुको बैठक निष्कर्षविहीन, गण्डकीमा मुख्यमन्त्री नियुक्त गुरुङले लिए शपथ, इजरायल र हमासबीचकाे बम हानाहान झनै तीव्र, भीषण युद्धको आशंका लगायतका विषयवस्तुहरू समावेश गरिएका छन्।

छोटकरीमा : आज - २०७८, वैशाख २४, शुक्रबार

आज शिक्षण र टेकु अस्पतालमा बेड भरिएपछि बरन्डामै संक्रमित, कोभ्याक्स सुविधाअन्तर्गत खोप उपलब्ध गराउन राष्ट्रसंघलाई आग्रह कामीरिता शेर्पा २५ औं पटक सगरमाथा चुचुरोमा लगायतका विषयवस्तुहरूलाई समावेश गरिएका छन्।

छोटकरीमा : आज - २०७८ वैशाख २२, बुधबार

आज '४० जिल्लामा पुरै र १२ वटामा आंशिक निषेधाज्ञा', 'विवाहमा दुईवटा गाडी र १५ जना जन्ती लैजान पाइने', 'रेल्वे विधेयक संसद्‍मा अड्काएर अध्यादेश', 'संक्रमितको शव जलाउन वाग्मती किनारमा अस्थायी शवदाह स्थल', 'बाइडेनले अमेरिका प्रवेश गर्न पाउने आप्रवासी शरणार्थीको संख्या चार गुणा बढाए' लगायतका विषयवस्तुहरूलाई समावेश गरिएका छन्।

छोटकरीमा : आज - २०७८ वैशाख २१, मंगलबार

काठमाडौं उपत्यकाको निषेधाज्ञा २९ वैशाखसम्म लम्बियो, माओवादीले सरकारलाई दिएको समर्थन फिर्ता लियो, विश्वासको मतमा प्रधानमन्त्रीलाई असफल बनाउने कांग्रेसको निर्णय, बिल र मेलिन्डा गेट्सले गरे सम्बन्धविच्छेद लगायतका विषयवस्तुहरूलाई समावेश गरिएका छन्।

छोटकरीमा : आज - २०७८ वैशाख २०, सोमबार

आज गण्डकी र सुदूरपश्चिमका नवनियुक्त प्रदेश प्रमुखले लिए शपथ, कोभिड अस्पताल सञ्चालन गर्न काठमाडौं महानगरले बनायो अध्ययन समिति, वाग्मती किनारमै जलाउन थालियो कोरोनाले मृत्यु भएकाको शव लगायतका विषयवस्तुहरूलाई यहाँ समावेश गरिएको छ।

छोटकरीमा : आज - २०७८ वैशाख १७, शुक्रबार

आज एक सातामै १९ वर्षमुनिका २५ सय बढीमा कोरोना संक्रमण, अस्पतालमा शय्या उपलब्ध गराउन नसिक्ने स्थिति आएको स्वास्थ्य मन्त्रालयको दाबी, पाटन र वीर अस्पताललाई एक हजार संक्रमितको उपचार गर्ने गरी 'कोभिड अस्पताल' बनाइने, केजरीवालले जनतालाई असुरक्षित छाडेको भाजपा संसदको दाबी लगायतका विषयवस्तुहरू समावेश गरिएका छन्।