बौद्धिक सम्पत्तिका चुनौती सामना गर्नेतर्फ रोयल बोटानिक गार्डेनले गरेको सहयोग महत्त्वपूर्ण भए पनि यथेष्ट सुरक्षा र सावधानी नभए जैवी साधन र आनुवंशिक स्रोत पलायन हुनसक्ने जोखिम छ । बौद्धिक सम्पत्तिका क्षेत्रमा डिजिटल डाटा, डोमिन नाम, ई–कमर्स आदिको संरक्षण पनि थपिएका छन् । भावी दिनमा आवश्यकतानुसार अन्य बौद्धिक सम्पत्तिहरू पनि थपिँदै जाने छन् । थपिएअनुसार अन्तरराष्ट्रिय स्तरको ऐनको तर्जुमा गरी जनशक्तिको गुणस्तर वृद्धि गर्न आवश्यक छ ।
