काठमाडौं । ‘हिमालयन कला प्रदर्शनी २०२१’ शुरु भएको छ । कोरोना भाइरसको महामारीको समयमा नेपाली कलाकारहरुको कलाले समाजमा सकारात्मक उर्जा दिने विश्वासका साथ उक्त प्रदर्शनी आयोजना गरिएको आयोजकले जनाएको छ ।प्रदर्शनीमा कन्टेम्पोररी पेन्टिङ, मूर्तिकला, फोटोग्राफ, प्रिन्टमेकिङ र सिरेमिक आदि प्रदर्शनमा छन् । प्रदर्शनी ३० अगष्टदेखि ५ सेप्टेम्बरसम्म नेपाल आर्ट काउन्सिल बबरमहल काठमाडौंमा संचालन भइरहेको छ ।