पोखरा महानगरपालिकाका मेयर मानबहादुर जिसीलाई हृदयघात भएको छ ।
हृदय घातपछि मेयर जिसीको बायाँ अंग नचलेको र एउटा नसामा समस्या रहेको चिकित्सकको भनाइ उद्धृत गर्दै मेयरका प्रेस सल्लाहकार माधव बरालले बताए ।
गएराति हृदयघात भएपछि उनलाई मेडिप्लस अस्पताल लगिएको थियो ।
त्यसपछि पोखराकै मणिपाल अस्पताल लगिएकोमा अहिले थप उपचारार्थ हेलिकोप्टरमार्फत काठमाडौं बाँसबारीस्थित न्यूरो अस्पताल लैजाने तयारी छ ।