कोरोनाका कारण त्रिभुवन विश्वविद्यालयले गत वर्षकै परीक्षा सम्पन्न गरिसकेको छैन । यस्तो अवस्थाकै कारण विश्वविद्यालयले स्नातक र स्नातकोत्तर तहको शैक्षिक सत्र तीन महिना पछाडि सार्ने निर्णय गरेको छ ।
विश्वविद्यालयका विभिन्न संकायका डीन हरुको माघ पहिलो साता बसेको संयुक्त बैठकको निर्णयानुसार शैक्षिक सत्र सार्वजनिक गरेको हो ।
विश्वविद्यालयका शिक्षाध्यक्ष शिवप्रसाद भुसालले स्नातक तहको शैक्षिक सत्र फागुनमा र स्नातकोत्तर तहको वैशाखमा सुरु हुने निर्णय भएको बताए । नागरिक दैनिकमा खबर छापिएको छ ।