रेशम चौधरीको रिहाइ र संविधान संशोधन स्वीकार नगर्न मसालको चेतावनी

काठमाडौं । नेपाल कम्युनिस्ट पार्टी (मसाल) ले सरकार टिकाउनका लागि प्रधानमन्त्री केपी ओलीले रेशम चौधरीको रिहाइ र संविधान संशोधनका लागि तयार भएको भन्दै त्यसो नगर्न खबरदारी गरेको छ । महामन्त्री मोहनविक्रम सिंहले आइतबार एक वक्तव्य प्रकाशित गरी मधेशवादीहरूले सरकारको निर्माणको लागि रेशम चौधरीको रिहाइ वा संविधानमा संशोधनलाई मुख्य शर्तको रूपमा अगाडि सारेको बताउँदै ती सर्त स्वीकार नगर्न चेतावनी दिनुभएको हो । मसालले गतकालमा सशस्त्र द्वन्द्वका क्रममा माओवादी र राज्य पक्षबाट निहत्था जनतामाथि भएका अपराधपूर्ण कार्यमा संलग्नहरुमाथि कारबाही हुनुपर्ने आफ्नो माग यथावत रहेको पनि प्रष्ट पारेको छ । हालै सम्पन्न मसालको उपलब्ध सीसीएम तथा पिविएमसहितको केन्द्रीय कार्यालयको बैठकले सरकार गठनका लागि भइरहेका अपवित्र गठबन्धन हुन नदिन वामपन्थी शक्तिहरुबीच नै सहकार्यका लागि जोड दिएको वक्तव्यमा उल्लेख छ । यस्तो छ वक्तव्यः नेपाल कम्युनिस्ट पार्टी (मसाल) को उपलब्ध पीवीएम र सीसीएमसहितको २०७७ चैत्र १४ गते बसेको केन्द्रीय कार्यालयको बैठकले देशको तात्कालिक अवस्था र कतिपय अन्तराष्ट्रिय प्रश्नहरु समेतबारे गरेको छलफल र निष्कर्षमा प्रकाश हाल्नको लागि यो वक्तव्य जारी गरिएको छ । १. ने.क.पा.(मसाल) ले संसदको पुनस्र्थापनापछिको देशको अन्यौलपूर्ण राजनीतिक स्थितिमाथि विस्तृत रूपले छलफल ग-यो र यो निष्कर्षमा पुग्यो कि देशको तात्कालिक राजनीतिक अवस्थामा निकासका लागि पूर्व नेपाल कम्युनिस्ट पार्टी (नेकपा) को एकीकरण वा सर्वोच्चको फैसलाअनुसार विभाजित एमाले र माओवादी केन्द्रका बीचको संयुक्त मोर्चा नै सही समाधान हो । अहिलेको अन्यौलपूर्ण स्थिति ओलीको व्यक्तिवादी र स्वेच्छाचारी कार्यशैलीका कारणले नै उत्पन्न भएको हो र उनी नेतृत्वमा हुँदासम्म स्थिति अरु बिग्रदै जाने कुरा स्पष्ट छ । त्यसैले ओलीले राजीनामा दिएर वा दिन लगाएर अहिलेको स्थितिको समाधान हुन सक्नेछ भन्ने हाम्रो स्पष्ट धारणा रहेको छ । २. संसदको पुनस्र्थापना भएको छ । तर पूर्व नेकपाको विभाजनका कारणले संसदमा कुनै पार्टीको बहुमत रहन गएको छैन । त्यसले गर्दा सरकारको गठनको लागि ने.का. वा मधेशवादीहरूको चलखेल वा बोलबाला बढेर गएको छ । उनीहरुले संसदलाई विघटन गर्ने प्रतिगामी कदमको विरोध गरेको हुनाले हामीले त्यो विरोधको सङ्घर्षका कार्यक्रमहरुमा उनीहरुसित ...