मकवानपुर । बागमती प्रदेश सरकार गठनका लागि दलहरूले छलफलमा तीव्रता दिएका छन् । प्रदेश सरकारको नेतृत्वको लागि विभिन्न विकल्पसहित दलहरु छलफलमा जुटेका हुन् ।
केन्द्रीय स्तरमा बनेको सत्ता गठबन्धनका दलहरू सोही अनुसार सरकार गठनका लागि सक्रिय देखिएका छन्, भने नेपाली कांग्रेस र नेकपा एकीकृत समाजवादी फरक समीकरणबाट सत्तारोहणको प्रयासमा रहेका छन् ।
बागमती प्रदेशमा सत्ता गठबन्धनमा आबद्ध दलहरू नेकपा एमाले, नेकपा माओवादी केन्द्र र राप्रपा केन्द्रीय समीकरण अनुसार प्रदेश सरकार गठन गर्ने पक्षमा देखिएका छन् । गठबन्धन दलका नेताहरू सरकार केन्द्रको समीकरण भन्दा फरक समीकरणको सम्भावना नरहेको बताउँछन् । सत्ता गठबन्धनबाट अलग भएर सरकार गठन गर्ने पक्षमा नरहेको...