काठमाडौं। इडीई एनकेटियाले इन्जुरी समयमा गरेको गोलमा आर्सनल घरेलु मैदानमा हारबाट जोगिएको छ। इङ्लिस प्रिमियर लिगमा ड्यानियल सेबालोसको गोलमा आर्सनलले ४० औं मिनेटमा अग्रता लिएको थियो। तर भिडियो सहायक रेफ्रीले उक्त गोललाई मान्यता दिएनन्। जोश माजाले ५९औं मिनेटमा गरेको गोलबाट फुलह्यामले अग्रता लियो। इन्जुरी समयको अन्तिम मिनेटमा एनकेटियाले बराबरी गोल फर्काए। आर्सनल नवौं स्थानमा र फुलह्याम रेलिगेशन क्षेत्रमा छ।
