आगामी पुस महिनामा नयाँ चिनी मिलले यहाँबाट उत्पादन सुरु गर्ने भएको छ ।
कञ्चनपुर रामविलासमा महाकाली सुगर इन्डस्ट्रिज प्रालिले ऊखु उत्पादनको आगामी मौसमका चिनी उत्पादन सुरु गर्न लागेको हो । ४० करोड रुपैयाँको लगानीमा स्थापना भएको उद्योगको दैनिक १ हजार २ सय टन ऊखु क्रसिङ क्षमता छ ।
‘उद्योग निर्माण कार्य अन्तिम चरणमा पुगेको छ,’ उद्योगका इन्जिनियर बीके गुप्ताले भने, ‘तीन साताभित्र उद्योगको फाउन्डेसन कार्य सकिन्छ । ’
गुप्ताका अनुसार भारतको कर्नाटकबाट उद्योगको मुख्य प्लान्ट खरिद गरिसकिएको छ । उद्योगले कर्नाटकको चिनी मिलले प्रयोग गरेको प्लान्ट खरिद गरेको जानरकारी दिएको छ । थप उपकरण खरिदका लागि प्रतीत पत्र र एलसी खोल्ने तयारी भइरहेको गुप्ताले जानकारी दिए ।
उद्योगले वार्षिक २७ हजार टन चिनी तथा २ हजार ७ सय किलोलिटर रेक्टिफाइड स्प्रिट उत्पादन गर्ने छ ।
चिनी उद्योगमा ४ सय २५ जनाले प्रत्यक्ष रोजगारी पाउने बताइएको छ । शिखर श्रेष्ठसहितका लगानीकर्ताको समूहले उद्योग स्थापना गर्न लागेको हो । नेपालमा हाल नौवटा उखु उद्योग सञ्चालनमा रहेका छन् ।
नोकियाको कार प्रज्ञालाई
नोकिया मोबाइलले सञ्चालन गरेको स्योर सट डबल सट को बम्पर पुरस्कार हुन्डाई कर कपन निवासी प्रज्ञा पोखरेलले प्राप्त गरेकी छिन् ।
वर्ष ५, अंक ४६, २०६७, साउन ३–९
