एजेन्सी। आईसीसीले भारतले २०१६ मा इङ्ल्यान्डविरुद्ध र २०१७ मा अस्ट्रेलियाविरुद्ध खेलेको टेष्ट फिक्सिङ नभएको स्पष्ट पारेको छ। अल जजिराले २०१८ मा सार्वजनिक गरेको ‘क्रिकेटको म्याच फिक्सर्स’ नामक डकुमेन्ट्रीमा भारतले इङ्ल्यान्डविरुद्ध चेन्नईमा र अस्ट्रेलियाविरुद्ध राँचीमा खेलेको टेष्टमा फिक्सिङ भएको दाबी गरिएको थियो। उक्त आरोपको अनुसन्धानका लागि आईसीसीले चार जना स्वतन्त्र विशेषज्ञलाई खटाएको थियो। चारै जनाले फिक्सिङ नभएको निष्कर्ष निकालेका हुन्।
