रुसका राष्ट्रपति भ्लादिमिर पुटिन भलै जेलेन्स्कीलाई घृणा गर्छन् तर उनकी छोरी कैटेरिना तिखोनोवाले भने ‘जेलेन्स्की’ लाई प्रेम गर्छिन् । वास्तवमा उनका प्रेमीको नाम इगोर जेलेन्स्की हो । यी दुई पछिल्लो पाँच वर्षदेखि सम्बन्धमा छन् ।जर्मनीको दर स्पाइलगेलको रिपोर्टमा यसबारे कुरा गरिएको छ । सन् १९८६ मा जन्मिएकी कैटरिना पुटिनकी कान्छी छोरी हुन् । उनको पहिलो सम्बन्ध सफल भएन । कैटरिनाको पहिलो विवाह रुसका सबैभन्दा युवा अर्बपति किरिल शामलोवसँग भएको थियो तर यो सम्बन्ध एक वर्ष पनि टिक्न सकेन ।
