छोटकरीमा : सेनाकाे बख्तरबन्द चालू, आज तीन जिल्लामा अभ्यास

साेमबार काठमाडाैँमा बख्तरबन्द सहित नियमित अभ्यास गरेकाे नेपाली सेनाकाे बख्तबन्द देशका बुटवल, चितवन र कैलालीमा पनि देखिएकाे छ। नेपाली सेनाले नियमित अभ्यासका लागि बख्तरबन्द सडकमा निकालेको हाे। कतिपयले भने सेनाकाे नियमित अभ्यासलाई सन्देहकाे आँखाले हेरिरहेका छन्।

सेनाकाे नियमित अभ्यास अन्तर्गतकाे बख्तरबन्द आज देशका विभिन्न तीन सहरमा देखिएकाे छ। सेनाले पश्चिममा नेपालगञ्जबाट धनगढीको बोराडाडीमा रहेको ब्यारेकसम्म हतियारसहितका गाडीहरू कुदाइएको हाे। त्यस्तै सेनाले बुटवल र चितवनमा पनि बख्तरबन्दका साधनहरू गुडाइएकाे छ।


यसअघि साेमबार सेनाले काठमाडाैँमा पनि बख्तरबन्द गाडी गुडाएकाे थियाे। सेनाकाे बख्तरबन्द गाडीले अबेर राति बख्तरबन्द गाडीसहित काठमाडाैँको चक्रपथ परिक्रमा गरेको थियाे।


देशमा संक्रमण देखिने स्थितिमा सेनाकाे बख्तरबन्दलाई कतिपयले सन्देहप्रद रूपमा हेरिरहेका छन्। सेनाले भने याे नियमित अभ्यास भएकाले सन्देह नगर्न आग्रह गरिरहेकाे छ।


सम्बन्धित सामग्री

एमाले संकटः शीर्ष नेताहरूबीच भएन कुनै सहमति

नेकपा एमालेमा बढिरहेकाे विवाद तत्काल साम्य हुने संकेत देखिएकाे छैन। लामाे समयपछि संवादहीनता ताड्दै अध्यक्ष केपी शर्मा ओली र वरिष्ठ नेता माधवकुमार नेपालको भेटवार्ता भएपनि कुनै ठाेस सहमति हुन सकेकाे छैन। बैठकपछि बाेल्दै नेपालले कुराकानी उत्साहप्रद नभएकाे प्रतिक्रिया दिएका छन्। त्यस्तै उनले नयाँ दल खाेलेकाे भन्ने कुरा साँचाे नभएकाे बताए।

छोटकरी विशेष

अयाेध्यामा राखियाे सीतारामकाे मूर्ति

रामकाे जन्मभूमिका रूपमा प्रधानमन्त्रीद्वारा घाेषित चितवनकाे माडीमा राम, सीता, लक्ष्मण र हनुमानको मूर्ति राखिएकाे छ। माडी नगरपालिका वडा नं. ९ स्थित माा कृष्णनगरमा मूर्ति राखिएको हो। काठमाडाैँबाट लगिएका मूर्तिहरू प्रधानमन्त्री ओलीले पूजाआजा गरी विदा गरेका थिए। रथयात्राको टाेली दासढुंगा नारायणगढ, चौविसकोठी, विकास चोक, पटिहानी ठाेरी पुगेकाे हाे।

छोटकरी विशेष

अख्तियारले स्ट्रिङ अपरेसन गरी कर्मचारी पक्राउ गर्न नपाउने अदालतकाे निर्णय

सर्वाेच्च अदालतले अख्तियार दुरुपयोग अनुसन्धान आयोग आफैंले घूस रकम उपलब्ध गराउँदै ‘स्टिङ अपरेसन’का आधारमा अब सरकारी कर्मचारी पक्राउ गर्न नपाउने निर्णय गरेकाे छ। याेसँगै अदालतमा विचाराधीन स्टिङ अपरेशनका ४०० मुद्दा खारेज हुने भएका छन्।

छोटकरी विशेष

एमालेभित्र वारपारकाे लडाइँ, नेपाल समूहका ३२ जनालाई कारबाही गरिँदै

एमालेले नेपाल समूहका ३२ जना नेताहरूलाई स्पष्टीकरण साेधेकाे छ। संघीय संसदका २७ जना सदस्य र प्रदेश सभाका ५ जनासहित ३२ जनालाई स्पष्टीकरण सोधिएकाे हाे। उनीहरूलाई पार्टीविधान उल्लंघन गरेकाे आराेप लागेकाे छ। उता नेपाल समूहका नेताहरूले भने आफूहरू एमालेमै रहेकाे बताउँदै पार्टीभित्रै रहेर संघर्ष गर्ने बताएका छन्।

छोटकरी विशेष

चारदिनभित्र सबै मुद्दा टुंग्याउने जसपालाई प्रधानमन्त्रीकाे आश्वासन

प्रधानमन्त्री केपी शर्मा ओलीले जसपा नेता तथा कार्यकर्तालाई लागेका मुद्दा टुंग्याउने आश्वासन दिएका छन्। जसपाका चारजना नेताहरूसँग भेटेका प्रधानमन्त्री यस्ताे आश्वासन दिएका हुन्। यसअघि रेशम चाैधरी लगायतका थारू आन्दोलनमा पक्राउ परेका नेता कार्यकर्ताकाे मुद्दा फिर्ता गर्न फाइल गृहमन्त्रालय पुगेकाे थियाे।

छोटकरी विशेष

देशैभर बढ्दै काेराेनाका गम्भीर बिरामी, वाग्मतीमा सबैभन्दा बढी

नेपालमा पछिल्लो २४ घण्टामा काेराेनाका १६० जना बिरामी आईसीयूमा भर्ना भएका छन्। त्यस्तै काेराेनाकाे सिकिस्त लक्षण देखिएका अन्य ४५ जनालाई भेन्टिलेटरमा राखिएकाे छ। यीमध्ये सबैभन्दा धेरै सिकिस्त बिरामी वाग्मती प्रदेशमा भेटिएका छन्। त्यस्तै देशैभरि काेराेनाबाट मृत्यु हुनेकाे संख्या बढ्दाे क्रममा देखिएकाे छ। सरकारले भने १३ बुँदे सूचना जारी गरेकाे छ।

छोटकरी विशेष