पोखरेली डिफेन्डर राजेन्द्र तामाङले मनाङ मर्स्याङ्दी क्लबमा ६ वर्ष खेलेका थिए । १६ वर्षपछि उनी मुख्य प्रशिक्षकको रूपमा मनाङ फर्किएका छन् । नेपाली फुटबलका अनुभवी नाइजेरियन प्रशिक्षक तोपे फुजाले पनि मनाङसँग सम्झौता नवीकरण गरिसकेका छन् । फुजा उतै रहँदा तामाङको नेतृत्वमा मनाङले लिगको तयारी गरिरहेको छ । ‘टचलाइन’ जसले सम्हाले पनि मनाङ घरेलु प्रतियोगितामा सधैं उपाधि दाबेदार हो ।
