काठमाडौं। नेपाल, नेदरल्यान्ड्स र मलेसियाबीचको त्रिदेशीय ट्वान्टी–२० अन्तर्राष्ट्रिय शृंखला आजबाट कीर्तिपुरस्थित त्रिवि क्रिकेट मैदानमा सुरु हुदैछ। आज पहिलो खेलमा नेपालले नेदरल्यान्ड्सविरुद्ध खेल्नेछ। नेपाल र नेदरल्यान्ड्सबीचको पछिल्लो पाँच खेलमध्ये दुई खेल नेपालले जितेको छ भने दुई खेलमा नेदरल्यान्ड्स विजयी भएको छ। एक खेल नतिजाबिहीन बनेको थियो। नेपाली टिममा पूर्व कप्तान पारस खड्का हुनेछैनन्। उनको स्थान सन्दीप जोराले लिनेछन्।
