सल्यान : गत कात्तिक पहिलो साताको बेमौसमी वर्षाबाट भएको क्षतिको राहत किसानले अहिलेसम्म पाउन सकेका छैनन्। कोटेर सुकाएको धान वर्षाले डुबाएपछि सरकारले क्षतिपूर्ति दिने घोषणा गरेको थियो तर सरकारले घोषणा गरेको महिनौँ बितिसक्दा समेत किसानले राहत पाउन सकेका छैनन्। शुरुमा राहत पाइन्छ कि भनेर आशा गरेको किसानहरूको आशा भने अहिले निराशामा परिणत भएको छ। पाँच महिनाभन्दा बढी भइसक्दा समेत राहत नपाएको कुमाख गाउँपालिका– ३ रागेचौरका किसान लीलाधर केसीले बताए। आफ्नो खेतमा रहेको ३० मुरी धान काम नलाग्ने
