रुकुम पश्चिम - उमेरले ५२ कटेकी सानीभेरी गाउँपालिका-५ पोखरीगाउँकी कल्पना खत्रीलाई आफ्नो घर आँगनमा पानीको धारा आइपुग्ला र घण्टौँ उकाली ओराली गरेर पानी ओसार्ने दैनिकी हट्ला भन्ने लागेकै थिएन। दिनहुँ गाग्रीमा पानी बोकेर घरधन्दा गर्ने कल्पनाले तलबाट माथितिर पानी आउँछ भन्ने कल्पना पनि नगरेको भन्दै पानी ल्याइदिने सरकारप्रति खुशी लागेको बताउनुभयो । गाउँमा आएको पानीले मुख धुँदै ४६ वर्षीया धनमारी कुसारीले अब खानेपानीकै लागि डोको, नाम्लो र गाग्री बोकेर दु:ख गर्ने दिन गएको बताउनुभयो । लेकमा रहेको गाउँमा तल रहेको पान...