काठमाडौं : काठमाडौंको रत्नपार्कस्थित महांकाल मन्दिरमा पानी ट्यांकर ठोक्किंदा चालक गम्भीर घाइते भएका छन्।ट्यांकर ठोक्किंदा महांकाल मन्दिरको भित्तामा पनि क्षति पुगेको छ। त्रिपुरेश्वरबाट भोटाहिटीतर्फ जाँदै गरेको ना २ क ४० नम्बरको ट्यांकर आज बिहान मन्दिरको भित्तामा ठोक्किएको काठमाडौं उपत्यका ट्राफिक कार्यालय रामशाहपथले जनाएको छ।सिटमै च्यापिएका चालकलाई प्रहरीले उद्धार गरेर नजिकैको ट्रमा सेन्टर पुर्याएको थियो। उनको उपचार भइरहेको प्रहरीले जनाएको छ।
