स्थानीय तह निर्वाचन नजिकिएसँगै गाउँ–सहरमा चहलपहल बढेको छ । दलले चुनाव केन्द्रित कार्यक्रम अघि सारेका छन् । चिया पसलदेखि सामान्य भेटघाटमा नयाँ नेतृत्वमा को पुग्ला भनेर अड्कलबाजी सुरु भएका छन् । अहिले पालिका, संघ र प्रदेशको नेतृत्व तहमा पुरुष दबदबा छ । पालिका प्रमुख र उपप्रमुखमध्ये एक पदमा संविधानले महिला प्रतिनिधित्व अनिवार्य गरेको छ । बर्दियाका आठै पालिका प्रमुखमा पुरुष छन् ।
